លោក«Pep Guardiola»និយាយពីផែនការថ្មីរបស់មេឃខៀវ«Manchester City»សម្រាប់រដូវកាលថ្មី

​ International Football​ 

ក្លិបជើងខ្លាំងនាពេលបច្ចុប្បន្នមេឃខៀវ Manchester City ក្រោមការដឹកនាំដោយបុរសខ្លាំងលើវិស័យបាល់ទាត់សញ្ជាតិអេស្ប៉ាញលោក Pep Guardiola តាំងពីចូលដឹកនាំក្រុមនិងបានចំណាយលុយយ៉ាងច្រើនក្នុងការដោះដូរកីឡាករនាពេលកន្លងមកឃើញថាក្រុមដែលឋិតនៅទីក្រុង Manchester ពណ៌ខៀវមួយនេះបានវិវត្តន៍ទៅជាក្រុមមួយដ៏ខ្លាំងលើពិភពលោក ជាក់ស្តែងរដូវកាលមុនទៀតសោតបានបន្តគ្រងតំណែងជើកឯកលីកកំពូលអង់គ្លេស Premier League ដោយឈ្នះតែពីរពិន្ទុប៉ុណ្ណោះពីក្រុមលេខ២កាំភ្លើងធំ Arsenal ដោយកាត់សេចក្តីការប្រកួតចុងក្រោយរៀងៗខ្លួន។

រដូវកាលថ្មីនឹងមកដល់ឆាប់ៗនេះក្រុមជាច្រើននៅអង់គ្លេសជាពិសេសក្រុមធំៗដែលជាគូប្រជែងបានទិញដូរកីឡាករដើម្បីមកពង្រឹងក្រុមរបស់ពួកគេឡើងវិញ ចំណែកក្រុម Manchester City ក៏មានផែនការថ្មីក្នុងការៀបចំក្រុមផងដែរជាពិសេសក្នុងការទិញលក់កីឡាករ។ ទន្ទឹមនឹងនេះលោក Pep Guardiola បាននិយាយពីផែនការរបស់ City ថា៖ "រហូតដល់ថ្ងៃចុងក្រោយ យើងនឹងមានឱកាសផ្លាស់ប្តូរក្រុមឱ្យបានល្អ ខ្ញុំមិនច្រានចោលជម្រើសក្នុងការមានកីឡាករថ្មីមកកាន់ក្រុមនោះទេ ប៉ុន្តែប្រសិនបើនរណាម្នាក់ចាកចេញក៏យើងមិនហាមឃាត់នោះដែរ ...។ ខ្ញុំគិតថា 85/90/95% ទៅហើយដែលក្រុមយើងនឹងមានក្រុមកីឡាករដដែលមានវត្តមានលេងនៅរដូវកាលថ្មីនេះ"៕

អត្តបទនេះដក់ស្រង់ពីីទីភ្នាក់ងារសារពត៌មាន VAYO