International Football
បន្ទាប់ពីមានរឿងចម្រូងចម្រាសនៅចុងរដូវកាលមុនបន្តិចកីឡាករអ្នកចាំទីដៃទីមួយសញ្ជាតិប្រេស៊ីល Ederson Moraes ហាក់មិនសូវសប្បាយចិត្តជាមួយលោក Pep Guardiola នោះទេ។ យ៉ាងណាក៏ដោយកីឡាករម្នាក់នេះនៅតែជាតួអង្គសំខាន់ម្នាក់ និងជាជម្រើសទីមួយដដែលក្នុងការលេងឱ្យក្លិបមេឃខៀវ Manchester City ។ មានសារព័ត៌មានជាច្រើនបានចុះផ្សាយហើយថា Ederson Moraes នឹងចាកចេញពីទឹកដីអឺរ៉ុបប្រទេសអង់គ្លេសទៅទឹកដីអាស៊ីវិញដោយចូលរួមជាមួយក្លិបអ្នកមានរបស់ប្រទេសអារ៉ាប់ប៊ីសាអូឌីតគឺ Al Ittihad ។
ជុំវិញរឿងរ៉ាវនេះគ្រូបង្វឹកលោក Pep Guardiola បាននិយាយថា៖ "ខ្ញុំមិនដឹងថាតើ Ederson Moraes សម្រេចចិត្តចាកចេញ ឬក៏បន្តនៅជាមួយយើងនោះទេ។ គាត់ត្រូវតែធ្វើការសម្រេចចិត្តមួយឱ្យបានច្បាស់លាស់និងត្រឹមត្រូវ"។ គួរបញ្ជាក់ផងដែរថាអ្នកចាំទីដៃស្អិត Ederson Moraes បានទទួលយកការផ្ទេរទៅកាន់លីកកំពូលអារ៉ាប់ប៊ីសាអូឌីត Saudi Pro League រួចហើយពីខែឧសភាកន្លងទៅ ប៉ុន្តែមិនទាន់មានកិច្ចព្រមព្រៀងលើតម្លៃខ្លួនរវាង Al Ittihad និង Manchester City នៅឡើយទេ។ ខណៈដែលក្លិបអ្នកមានអង់គ្លេស City ទទូចលើសំណើរជាទឹកប្រាក់ចន្លោះពី ៥០ ទៅ ៦០លានផោន ដើម្បីអនុញ្ញាតឱ្យអ្នកចាំទីប្រេស៊ីលរូបនេះចាកចេញបាន៕
អត្តបទនៃសេចក្ដីរាយការណ៌នេះដក់ស្រង់ពីទីភ្នាក់ងារ VAYO
Post a Comment