Football
កីឡាករសញ្ជាតិអង់គ្លេស Mason Mount ដែលផ្ទេរចេញពីក្លិបតោខៀវ Chelsea ក្នុងតម្លៃថ្លៃគួរសមមកកាន់ក្លិបបិសាចក្រហម Manchester United ដែលជាម្ចាស់អាវលេខ ៧ ក្រោមការដឹកនាំចង់បានរបស់លោក Erik ten Hag កាលពីរដូវកាលមុនគឺមិនបានបង្ហាញទម្រង់លេងល្អ លេចធ្លោណាមួយដូចការប៉ងទុករបស់គ្រូបង្វឹក និងអ្នកគាំទ្រក្លិបនោះឡើយ។ ក៏ព្រោះថាកីឡាកររូបនេះតែងតែទទួលរងរបួសជារឿយៗដែលបានផ្លាស់មកកាន់ទីក្រុង Manchester នាទឹកដី Old Trafford ។
ទន្ទឹមនឹងបញ្ហានេះគ្រូបង្វឹកសញ្ជាតិហុល្លង់លោក Erik ten Hag ចេញមុខការពារនិងបានបញ្ជាក់ពីគម្រោងទុកចិត្តលើកីឡាករ Mason Mount ដោយបាននិយាយជាសាធារណៈថា៖ "អ្នកមិនអាចវិនិច្ឆ័យរដូវកាលមុន ឬរដូវកាលដំបូងរបស់គេបានទេ ព្រោះគេបានរងរបួស ដូច្នេះកុំវិនិច្ឆ័យរូបគេ។ ប៉ុន្តែនៅពេលសមស្របណាមួយដែលគេមានកាយសម្បទាល្អគ្រប់គ្រាន់ឡើងវិញ Mason Mount នឹងក្លាយជាកីឡាករដ៏ល្អសម្រាប់ក្រុមរបស់យើង ហើយយើងអាចប្រើប្រាស់គេបានដោយលេងនៅតំបន់បម្រើប្រយុទ្ធដែលអាចប្រើប្រាស់បាន… ពិតណាស់ Mount នឹងជួយក្រុមរបស់យើងបានច្រើន”៕
إرسال تعليق